حكمة بنص جنيه - 9

امبارح بالليل عديت على الحكيم اللى بيبيع الحكمه بنص جنيه فى محطة مصر , اديته نص جنيه وسألته ممكن تقولى ايه همه الاخوان المسلمين , بصلى وقالى بس ده سؤال صعب اوى ما اخدش فيه اقل من 75 قرش , اديتله ربع جنيه كمان اخده وقالى , جماعة الاخوان المسلمين هى تنظيم هدفه السيطره على العالم اختاروا كلمة الاخوان عشان يرضوا الاشتراكيين وكلمة المسلمين عشان يرضوا الاسلاميين وكلمة جماعة عشان يرضوا الجهاديين وعينوا نائب مسيحى لحزبهم عشان يرضوا المسيحين وام ايمن فى البرلمان عشان اى ست تقارن نفسها بيها تحس انها ملكة جمال كوستاريكا وبكده يرضوا الستات .